МҮОНРТ-ийн захирал асан М.Наранбаатар “гэмт халдлага”-д өртсөн үү?

МҮОНРТ-ийн захирал асан М.Наранбаатар хүнд зодуулсан гэх мэдээлэл бидэнд ирсэн юм. Мэдээллийн дагуу өөрөөс нь тодрууллаа.


-Сайн байна уу. Таныг хүнд зодуулсан гэж дууллаа. Бие тань гайгүй юу?
-Гайгүй ээ. Өчигдөр найзтайгаа нэг газар сууж байгаад тамхи татах гээд гарсан юм. Тэгсэн цохиулчихлаа.

-Хэдэн хүн байсан юм. Таныг зүгээр байхад ирээд л цохичихож байгаа юм уу?
-Хоёр хүн. Зүгээр байх гэж.. хэрүүл ч хийгээгүй юм чинь. Хүмүүс чинь хоорондоо маргаж, хэрэлддэг биз дээ. Тийм ч зүйл байхгүй.

-Тэгэхээр таныг зүгээр найзтайгаа тамхи татаад зогсож байхад чинь л ирээд цохичихож байгаа юм уу?
-Тийм ээ.
-Хэр гэмтэл авсан юм бэ?
-Духан дээрээ дөрвөн оёо тавиулсан.

-Та тэр зодсон хүмүүсээ харж амжсан уу?
-Хоёр күртэгтээ л хүн байсан. Нүдрүү цус урсаж орж ирээд өөрөө бол сайн харж чадаагүй. Гадуурч гарч явж болохгүй юм байна. Энэ янзаараа бол алуулах юм байна л даа.

-УИХ-ын даргын гомдлоор цагдаагийн байгууллага таньд эрүүгийн хэрэг үүсгэж шалгаж байгаа. Энэ юу болсон бэ?
-Монголын цагдаа, прокурор хүнийг шалгадаг байдлаараа рекорд тогтоож байгаа. Нэгдүгээр сарын 6-нд дуудаж, эрүү үүгэсэн. Ингээд нэгдүгээр сарын 19-нд яллагдагчаар татаад, 20-нд прокурорт шилжүүлчихлээ. Ямартай ч монголын хууль хяналтын байгууллага ингэж л шуурхай ажилладаг болж.

Н.Цэндбат