“The VOICE оf Mongolia” шоуны шүүгчидтэй танилц

"Авьяаслаг Монголчууд" шоуг хоёр жил дараалан амжилттай зохион байгуулсан 'Монгол HD' телевизийн уран бүтээлчид бас нэгэн дэлхийн алдартай шоу болох 'The Voice' -ыг эх орондоо хийж эхлээд байгаа билээ.

Энэхүү шоуны оролцогчдыг урлагийн ямар алдартан шүүх нь олны анхаарлыг татаж байсан. Тэгвэл “The VOICE оf Mongolia” шоуны шүүгчдийн нэрс тодорсон байна.

Уг шоуны шүүгчээр Урлагийн гавьяат зүтгэлтэн, орчин цагийн видео артыг үндэслэгч “On&Off” продакшний захирал С.Ононбат, Гавьяат жүжигчин, “Хурд” хамтлагийн гоцлол гитарчин, хөгжмийн зохиолч Д.Отгонбаяр, Төрийн соёрхолт, “Камертон” хамтлагийн ахлагч, дуучин, продюсер Д.Болд, “Киви” хамтлагийн ахлагч, дуучин Д.Уламбаяр нар ажиллахаар болжээ.