“Баганат Өргөө” ХХК-ийн барилга угсралтын ажлыг зогсоолоо
2021-04-07 13:00

2021 оны дөрөвдүгээр сарын 5-нд Ус сувгийн удирдах газраас гаргасан гомдлын дагуу Баянзүрх дүүргийн наймдугаар хорооны нутаг дэвсгэрт Гэр хорооллын дахин төлөвлөлтийн төсөл хэрэгжүүлж буй “Баганат Өргөө” ХХК-ийн байршилд баг бүрэлдэхүүн биет үзлэг хийхэд цэвэр усны шугамтай зэрэгцүүлэн барилгын суурийн ажил хийж байсан. Тухайн байршилд хийсэн хяналт, шалгалтаар инженерийн шугам сүлжээний тодруулга хийгээгүй, баталсан загвар зураг төсөлгүй, барилгын тэг тэнхлэгийг газарт бэхлээгүй, барилга угсралтын ажил эхлэх, үргэлжлүүлэх зөвшөөрөл авалгүйгээр барилгын суурийн ажил хийж байсан зэрэг зөрчил илэрсэн. Иймд газар дээр нь шуурхай арга хэмжээ авч, зөрчлийг арилгах талаар албан шаардлагыг өгч, барилга угсралтын ажлыг зогсоолоо.

ХОТ БАЙГУУЛАЛТ, ХӨГЖЛИЙН ГАЗАР

2021.04.06

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.