СҮХБААТАР АЙМАГТ КОВИД-19 ХАЛДВАР ГАЗАР АВЛАА
2021-10-15 10:54

Сүхбаатар аймагт коронавирусний халдварын тархалт эрчимжиж, сүүлийн өдрүүдэд тогтмол бүх суманд халдварын шинэ тохиолдол бүртгэгдэж байна. 10 дугаар сарын 14-ний 08 цагийн байдлаар хоногт халдварын 314 тохиолдол шинээр нэмэгдснээр нийт батлагдсан тохиолдол 9449-д хүрэв.

Аймгийн 13 суманд өдөрт 4-130 тохиолдол бүртгэгдсэн бөгөөд хамгийн их нь Баруун-Урт, Баяндэлгэр, Мөнххаан, Түвшинширээ сумдад илэрчээ. Үүнтэй холбоотойгоор шинжилгээний цэгийн ачаалал дахин нэмэгдэж, хүнд болон хүндэвтэр эвчтөний тоо нэмэгдэж, бага насны хүүхдүүд халдварт өртөх нь их байгааг аймгийн ЭМГ-аас анхаарууллаа. Мөн иргэдийн дунд халдвар хамгааллын дэглэм сахих байдал хайнга, хэт задгай байгаа нь халдвар эрчимтэй тархах нэг шалтгаан болж байгааг ч онцлов.

Сүхбаатар аймагт батлагдсан нийт тохиолдлын 7330 нь эдгэрсэн бол одоогоор аймгийн хэмжээнд ЭМБ-т 574, гэрээр 1451 иргэн эмчлүүлж байна. Үүнээс жирэмсэн 47, 0-18 насны 261 хүүхэд байгаа аж.

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.