МОНГОЛ УЛСАД ОЛОН УЛСЫН БОКСЫН ТЭМЦЭЭН ЗОХИОХ САНАЛ ГАРГАЖЭЭ
2021-11-13 13:05

Монгол Улсад Олон улсын боксын тэмцээн зохиох санал гаргав

Монгол Улсын Ерөнхийлөгч У.Хүрэлсүх Олон улсын боксын холбооны ерөнхийлөгч У.Н.Кремлёв тэргүүтэй төлөөлөгчдийг хүлээн авч уулзлаа.

У.Н.Кремлёв Монгол Улсад Олон улсын боксын томоохон тэмцээн зохиож байх, Боксын төв академи байгуулах саналаа илэрхийллээ. Мөн Монголын боксын холбоотой хамтарсан төсөл, хөтөлбөр хэрэгжүүлэхээр төлөвлөж байгаагаа хэлэв.

ТОП-4 төрлийн нэг болох боксын спортыг хөгжүүлэх чиглэлээр гаргаж байгаа аливаа санал, санаачилгыг дэмжинэ гэдгээ Монгол Улсын Ерөнхийлөгч хэллээ.

Олон улсын боксын холбооны ерөнхийлөгч өнөөдөр Үндэсний шигшээ багийн тамирчид, багш, дасгалжуулагчид болон боксын спортоор хичээллэж байгаа хүүхдүүдтэй уулзсан байна.

У.Н. Кремелёв 2020 оны 12 дугаар сарын 12-ны өдөр болсон Олон улсын боксын холбооны ерөнхийлөгчийн сонгуульд өрсөлдөн 57,33 хувийн саналаар сонгогдсон гэж Ерөнхийлөгчийн тамгын газраас мэдээллээ.

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.