"Бишкек-2022" тэмцээнээс манай улсын тамирчид нэг алт, хоёр мөнгөн медаль хүртжээ
2022-06-21 09:09

"Бишкек-2022" Азийн аварга шалгаруулах тэмцээний эхний өдөр Монгол Улсын тамирчид нэг алт, хоёр мөнгөн медаль хүртлээ.

Киргиз улсын нийслэл Бишкек хотод болсон тус тэмцээний 17-оос доош насны охидын 69 килограммын жинд энэ жилийн өсвөр үе, залуучуудын улсын аварга “Женко” клубийн тамирчин Э.Одзаяа алтан медаль хүртсэн байна. Мөн тамирчин Ч.Номин 46 килограмм жинд, Б.Халиун 53 килограмм жинд тус тус мөнгөн медалийн болзол хангажээ.

Өсвөр үе, залуучуудын улсын аварга Э.Одзаяа нь Бишкекийн дэвжээнд Узбекистаны Севинчой Полвоноваг 6:1, Энэтхэгийн Бадана Мансиг 10:0, алтан медалийн төлөөх барилдаанд Японы Харүка Кобарүг 17:9-өөр тус тус ялсан юм.

 Гэрэл зургийг: Daagii

 

 

 

 

Эх сурвалж: Монголын чөлөөт бөхийн холбоо 

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.