ГАДААД ВАЛЮТААР ТӨЛБӨР ТОГТООСОН ГАЗРУУДЫН ДАРААХ БАЙДЛААР МЭДЭГД
2021-09-07 10:00

Гадаад валютын нөөц өсч, түүхэн дээд хэмжээнд хүрэв | News.MN

Гадаад валют, тооцооны нэгжээр үнэ тогтоож, гүйцэтгэж байгаа болон олон нийтийн мэдээллийн хэрэгслээр зар сурталчилгаа хийж буй хууль бус үйлдлийн талаарх бодит мэдээллийг Санхүүгийн зохицуулах хорооны 51-264444, 51-261275 дугаарын утас, mntugrug@frc.mn цахим хаягаар тогтмол хүлээн авч байна.

Монгол Улсын үндэсний мөнгөн тэмдэгт төгрөгийн ханшийг үнэгүйдлээс хамгаалах, иргэд, хуулийн этгээдийн бодит орлого болон худалдан авах чадварыг тогтворжуулах зорилгоор Монгол Улсын нутаг дэвсгэр дээр бараа, ажил, үйлчилгээний үнэ, үнийн саналыг зөвхөн үндэсний мөнгөн тэмдэгт төгрөгөөр илэрхийлж, төлбөр тооцоог төгрөгөөр гүйцэтгэх эрх зүйн орчныг бүрдүүлж 2009 онд Төлбөр тооцоог үндэсний мөнгөн тэмдэгтээр гүйцэтгэх тухай хуулийг УИХ-аас баталж, мөрдөж эхэлсэн.

Энэхүү хуулийн хэрэгжилт Санхүүгийн зохицуулах хорооны зохицуулалтад хамаардаг тул зөрчсөн аливаа үйлдлийг тухай бүрд нь таслан зогсоож, холбогдох хууль тогтоомжийн дагуу хариуцлага хүлээлгэх замаар хэрэгжилтийг ханган ажиллаж байна. 

Үүнд:

  1. Монгол Улсын нутаг дэвсгэрт үйл ажиллагаа явуулж буй хуулийн этгээд, иргэд бараа, ажил, үйлчилгээний үнийг үндэсний мөнгөн тэмдэгтээр илэрхийлж, төлбөр тооцоог үндэсний мөнгөн тэмдэгт төгрөгөөр гүйцэтгэж буй эсэхэд хяналт тавих
  2. Албан ёсны зөвшөөрөлгүйгээр гадаад валют, тооцооны нэгжээр үнэ тогтоож, олон нийтийн хэвлэл, мэдээллийн хэрэгслээр зар сурталчилгаа хийж буй эсэхэд хяналт тавих
  3. Аливаа хуулийн этгээд, иргэдийн бүх төрлийн гэрээ, хэлцлийн үнийг зөвхөн үндэсний мөнгөн тэмдэгт төгрөгөөр илэрхийлэхийг шаардах зэргээр ажиллаж ирсэн.

Сүүлийн үед зарим иргэн, хуулийн этгээд гадаад валют болон тооцооны нэгжээр бараа, ажил, үйлчилгээний үнэ, үнийн саналыг илэрхийлж, төлбөр тооцоог гүйцэтгэх, зар сурталчилгаа явуулах зэрэг хууль бус үйлдэл гаргасаар байгаа аж.

Аливаа иргэн, хуулийн этгээдүүдэд Төлбөр тооцоог үндэсний мөнгөн тэмдэгтээр гүйцэтгэх тухай хуулийг биелүүлэхийг анхааруулж байна.

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.