И.Ганбаатар, Б.Болормаа нарын хамтарсан номны зургийн үзэсгэлэн Японы “PinPoint” галерейд нээгджээ
2022-05-27 10:23

Японы нийслэл Токио хотод зураач И.Ганбаатар, Б.Болормаа нарын хамтарсан номны зургийн үзэсгэлэн “PinPoint” галерейд нээгджээ.

Тэд гэр бүлийн хосууд бөгөөд Японд очоод 15 жил болж байгаа аж. Энэ удаагийн үзэсгэлэнгээ Монгол, Японы хооронд дипломат харилцаа тогтоосны 50 жилийн ойд зориулан гаргаж буй гэнэ.

Уран бүтээлчдийн үзэсгэлэнг Японы ханхүү Акишинономия гэргийн хамт удаа дараа саатан сонирхож байсан бөгөөд энэ удаад ч хааны угсааныхан морилон саатжээ.

Үзэсгэлэн долоо хоног үргэлжилсэн бөгөөд ирэх жил илүү олон хоногоор гарахдаа номоо уран зурагтайгаа хамтад нь дэлгэхээр төлөвлөжээ.

Хосууд СУИС-ийг төгссөн агаад 10 гаруй жилийн хугацаанд 30 гаруй хүүхдийн зурагт ном бүтээсэн байна.

Мөн хүүхдийн номоо Монгол, Япон, Хятад, Солонгос, Тайван, Франц, Швед, Дани, Канад, Вэнэсуэл зэрэг орны хэлээр хэвлүүлжээ.

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.