Хөдөлмөр эрхлэлтийн үндэсний зөвлөлийн баталсан шийдвэрийн дагуу малчин өрхүүдийг дэмжих зорилготой “Малчдыг малжуулах хөтөлбөр”-ийг үргэлжлүүлэн хэрэгжүүлж байна.

Тус хөтөлбөрийг Өмнөговь аймгийн Сэврэй суманд хэрэгжүүлж, Сайншанд багаас 2, Бүйлсэн багаас 2, Хоолт багаас 1 нийт 5 иргэнийг хамруулж, 40 сая төгрөгийн санхүүжилтийг олгохоор шийдвэрлэжээ.

Шийдвэрийг хэрэгжүүлэхээр Өмнөговь аймгийн ХХҮГ-ын дарга Б. Должинсүрэн, Сэврэй сумын Засаг дарга Б.Батсайхан, малчид гурвалсан гэрээг 2025 оны зургаадугаар сарын 30-ны өдөр байгууллаа.

Мөн Сэврэй сумаас ахмадын хөдөлмөр эрхлэлтийн дэмжих төсөлд 2 ахмад тус бүр 5 сая төгрөг, ХБИ-ийг дэмжих төсөлд нэг иргэн хамрагдаж 8 сая төгрөг нийт 18 сая төгрөгийн дэмжлэгт хамруулж батламжийг гардууллаа.