Энэ нөөцийг Монголбанк удирдан, гадаад төлбөр тооцоог түргэн гүйцэтгэх үүрэгтэй ажилладаг юм. Монголбанк дахь гадаад валютын улсын нөөц нь дараах төрлийн активаас бүрдэнэ:

• Гадаад орны банк, санхүүгийн байгууллагад хадгалж байгаа мөнгөжсөн алт;
• Бэлэн ба бэлэн бус хэлбэрээр байгаа чөлөөтэй хөрвөдөг гадаад валют;
• Чөлөөтэй хөрвөдөг гадаад валютаар чөлөөтэй төлөгдөх вексель;
• Гадаад орны Засгийн газар, төв банк, олон улсын санхүүгийн байгууллагаас гаргасан буюу баталгаажуулсан чөлөөтэй хөрвөдөг гадаад валютаар нэрлэсэн, түүгээр төлөгдөх бүх төрлийн үнэт цаас;
• Олон улсын хэмжээнд гадаад валютын нөөцөд тооцогдох бусад актив.      

Өнгөрсөн арванхоёрдугаар сард гадаад валютын нөөц 5.5 тэрбум ам.долларт хүрчээ.