Олон үндэстний цагаачлалын виз буюу ногоон карт 2025 оны ээлжит сугалааны бүртгэл өнөөдөр эхэлж байна.

Тодруулбал 2023 оны аравдугаар сарын 4-ний Лхагва гарагийн АНУ-ын Зүүн эргийн өдрийн цагийн бүсийн (GMT-4) үдийн 12:00 цагаас 2023 оны арваннэгдүгээр сарын 7-ны Мягмар гарагийн АНУ-ын Зүүн эргийн стандарт цагийн бүсийн (GMT-5) үдийн 12:00 цаг хүртэл үргэлжилнэ.

Энэ сугалаанд АНУ-ын Төрийн Департаментын https://dvprogram.state.gov/ цахим хуудас руу орж электрон хэлбэрээр бүртгүүлэх боломжтой. Бүртгүүлэхэд хураамж төлөхгүй.

Хөтөлбөрийн зааврыг AНУ-ын ЭСЯ-ны https://mn.usembassy.gov/.../immigrant.../diversity-visa-mn/ цахим хуудаснаас үзнэ үү.

Эх сурвалж: АНУ-ын Элчин сайдын яам