fitness
  • 256 үзэлт
  • 0 сэтгэгдэл
  • 2023-11-17

Замын-Үүд-Эрээний боомт 12 дугаар сарын нэгнээс эхлэн 24 цагаар ажиллана

Монголоос БНХАУ руу Дорнодын Хавирга-Ар хашаатын боомтоор нүүрс тээвэрлэхэд гаалийн бүрдүүлэлт хийх хугацаа 80 цаг байснаас 25 цаг болж буурсныг “SXCoal” онцолж байна. 2023 оны нэгдүгээр сарын 19-нд боомт нээгдсэнээс хойш тус боомтоор 320 мянган тонн нүүрс экспортолжээ. Өөрөөр хэлбэл нүүрс экспортын шинэ том гарц болоод байна. Цаашид Хавирга-Ар хашаат боомтыг зөвхөн иргэд зорчихоос гадна аялал жуулчлал, уул уурхай, хөдөө аж ахуйн бүтээгдэхүүн экспортлох гол боомт болгон өргөжүүлэх зорилт тавиад байгаа юм.

Мөн Замын-Үүд авто замын боомтыг 24 цагаар ажиллуулах шийдвэрийг БНХАУ-ын боомтын удирдлагуудтай тохиролцож, 12 дугаар нэгнээс туршилтын үйл ажиллагааг эхлүүлэх хэлцэлд хүрсэн байна.

БНХАУ 317 боомттойгоос 87 нь далайн, 80 орчим нь агаарын, 180 орчим нь авто замын боомт байдаг бөгөөд Монгол Улстай 17 боомтоор холбогддог аж.

Эх газраар холбогддог 180 боомтоос БНХАУ-ОХУ-ын Манжуурын боомт л 24 цагаар ажилладаг учир БНХАУ-ын хувьд 24 цагийн үйл ажиллагаатай хоёр дахь боомт Эрээн-Замын-Үүд болохоор байна.

Замын-Үүд-Эрээний боомтыг 24 цагийн үйл ажиллагаатай болсноор ОХУ, Монгол Улс, БНХАУ-ыг холбосон төмөр замын транзит тээврийн нэвтрүүлэх хүчин чадал нэмэгдэж, бараа, бүтээгдэхүүний өртөг буурах, түгжрэлийг арилгах, ачааны урсгал нэмэгдэх чухал ач холбогдолтой юм.

Бусад мэдээ

ГИХГ: Энэ онд аяллын зорилгоо тодорхойлж чадаагүй 22 улсын 593 гадаадын иргэнийг хил нэвтрүүлэлгүй буцаасан

ГИХГ: Энэ онд аяллын зорилгоо тодорхойлж чадаагүй 22 улсын 593 гадаадын иргэнийг хил нэвтрүүлэлгүй буцаасан

Монгол Улс аялал жуулчлалыг бодлогоор дэмжиж, манай улсыг зорих жуулчдын тоо жилээс жилд нэмэгдэж ба

Хүүхдийн хавдрын эрт илрүүлгийн төвийн барилга ашиглалтад орлоо

Хүүхдийн хавдрын эрт илрүүлгийн төвийн барилга ашиглалтад орлоо

БНХАУ-ын Энхтайван хөгжлийн сан нь Монгол Улсын “Хангарьд хөгжлийн төв” ТББ-тай хамтран 500,000 ам.д

Чинбаяр Ч.
Чинбаяр Ч.