Монгол Улсын Ерөнхийлөгчийн ивээл дор зохион байгуулагдах жүдо бөхийн “Улаанбаатар-2026” Их дуулга тэмцээн маргааш эхэлнэ. Тодруулбал, энэ сарын 19-21-ний өдрүүдэд Улаанбаатар хотноо зохион байгуулагдана. 

Энэхүү тэмцээн нь “Лос Анжелос-2028” олимпын эрхийн оноо олгох эхний тэмцээн гэдгээрээ онцлогтой юм.  Энэ удаагийн Их дуулгад дэлхийн 59 орны эрэгтэй 257, эмэгтэй 204 буюу нийт 461 тамирчин өрсөлдөхөөр бүртгүүлээд байна. Тэмцээнд олимпын таван аварга, дэлхийн 25 аварга тэргүүтэй дэлхийн шилдэг жүдочид Улаанбаатарын татамид хүч сорих юм.