fitness
  • 282 үзэлт
  • 0 сэтгэгдэл
  • 2023-11-24

Анхдугаар үндсэн хуулиа баталж, Бүгд Найрамдах Улсаа тунхагласны түүхэн ойн өдрийг тохиолдуулан Чингис хаан одонт, Морин хуурын чуулга “Монголын сайхан орон” тоглолтоо 2023 оны арваннэгдүгээр сарын 26-ны өдөр БНХАУ-ын Шанхай хотын Ягуар симфони оркестрын их танхимд толилуулах гэж байна.

Энэ удаагийн тоглолт нь Морин хуур чуулгын ардын болон сонгодог 13 бүтээлээс бүрдэх бөгөөд дэлхийн хамгийн хурдацтай хөгжиж буй хот, худалдаа, эдийн засаг, санхүү болон соёл урлаг, дизайны томоохон төв Шанхай хотод анх удаа тоглох гэж буйгаараа онцлог юм.

Шанхай хотын Ягуар симфони оркестр нь 2014 оноос хойш үйл ажиллагаа явуулж байгаа бөгөөд акустик, өвөрмөц, барилга байгууламж, загвар дизайнаараа БНХАУ-д төдийгүй Ази тивд шилдэгт тооцогддог. Эдүгээ дэлхийн 100 гаруй улс орнуудын шилдэг тоглолтыг тасралтгүй хүлээн авсан байна.

Монголын үндэсний урлагийн сор болсон морин хуур хөгжмийн гайхамшигт хөг аялгууг гадаадын 30 гаруй орны алдарт тайзнаа эгшиглүүлэхэд Монгол Улсын ГХЯ болон хилийн чанад дахь Дипломат төлөөлөгчийн газрууд бүх боломжийг бүрдүүлж ирсэн билээ.

Бусад мэдээ

Манай улс "Сүрьеэ"-ийн дарамт өндөртэй орны тоонд ордог

Манай улс "Сүрьеэ"-ийн дарамт өндөртэй орны тоонд ордог

УИХ-ын гишүүн, Засгийн газрын гишүүн, Эрүүл мэндийн сайд С.Чинзориг Халдварт өвчин судлалын үндэсний

Энэ жил нэг өрх дунджаар 1.2 сая төгрөгөөр цагаан сарын баяраа тэмдэглэх тооцоолол байна

Энэ жил нэг өрх дунджаар 1.2 сая төгрөгөөр цагаан сарын баяраа тэмдэглэх тооцоолол байна

Үндэсний Статистикийн Хороо/ҮСХ/ өрхөд суурилсан судалгааг зохион байгуулдаг. Тухайн судалгааны үр д

Сэтгүүлч Ж.Хэрлэн
Сэтгүүлч Ж.Хэрлэн