Төрийн ордонд 

09:00-18:00 цагт Эмийн үнийн өсөлтийг хянан шалгах Түр хорооны нотлох баримтыг шинжлэн судлах сонсгол болно.  

09:00-14:00 цагт ОХУ, БНХАУ, Япон, Солонгос, Монгол зэрэг орны аялал жуулчлалын салбарын төлөөлөгчид оролцсон "Аялал жуулчлалын чуулган" болно. 

10:00 цагт АН, МАН-ын бүлэг хуралдана. 

11:00 цагт Ерөнхийлөгчийн санаачилсан Цэргийн алба хаагчийн тэтгэвэр, тэтгэмжийн тухай хуульд нэмэлт оруулах тухай хуулийн төслийг УИХ-ын даргад өргөн барьж, мэдээлэл хийнэ. 

Туушин зочид буудлын Соёмбо танхимд

10:00-16:00 цагт ЗТХЯ, Санхүүгийн Зохицуулах Хороо, Хүний эрхийн Үндэсний комисс, ЭТТ ХК, Тавантолгой тээвэрчид, Тээврийн компаниудын оролцсон “Авлигажсан тээврээс Ашигтай тээвэрт“ сэдэвт уулзалт зохион байгуулагдана.

“Үндэсний мэдээллийн төв”-д

11:00 цагт “Тэнгэр” ТВ болон Ард Санхүүгийн Нэгдэл ХК шүүхэд худал тайлбар, баримт гаргаж өгч, шүүхийн шийдвэр гүйцэтгэх ажиллагаанд тус байгууллагын шинээр томилогдсон дарга нараар дамжуулан нөлөөлж байгаа талаар баримттай мэдээлэл танилцуулна.

11:30 цагт ЭМЯ-ны үйл ажиллагааны доголдол, Сангийн яамны ТНБД Ж.Ганбатын хариуцлагагүй үйлдлээс болж, 450 гаруй хүний элэг бүтэн болох боломж хаагдаж, 3.6 сая ам.долларын үнэтэй АНУ-аас ирсэн AbbVie брэндийн эм устгалд орсон асуудлаар “Оном” сангийн ТУЗ-ийн дарга Д.Наранбаатар мэдээлэл хийнэ.