fitness
  • 236 үзэлт
  • 0 сэтгэгдэл
  • 2024-04-16

2023 оны аравдугаар сарын 3-ны өдөр Дорноговь аймгийн Сайншанд сумаас бага насны хүүхдийг такси үйлчилгээнд явж байгаа мэтээр хууран мэхэлж машиндаа суулган хүчээр авч явж хүчиндэн, улмаар гэмт хэргээ нуун далдлах зорилгоор амь насыг нь хохироосон Г.Гантулгад холбогдох хэргийн гэм буруугийн шүүх хуралдаан өнөөдөр боллоо.

Дорноговь аймаг дахь Сум дундын эрүүгийн хэргийн анхан шатны шүүх бүрэлдэхүүн Эрүүгийн хуулийн 12.1-д заасны дагуу түүнд бүх насаар нь хорих ял оноосныг эх сурвалж мэдээлэв.

Прокуророос Г.Гантулгад Эрүүгийн хуулийн

  • 13.2 дугаар зүйлийн 2.1 /Хүн хулгайлах/,
  • 12.1 дүгээр зүйлийн 4 /Хүчиндэх/,
  • 10.1 дүгээр зүйлийн 2.1, 2.4, 2.7 /Хүнийг алах/-д зааснаар яллах дүгнэлт үйлдэн Дорноговь аймаг дахь Сум дундын эрүүгийн хэргийн анхан шатны шүүхэд шилжүүлж байв.

Хуулийн заалт:

Эрүүгийн хууль

13.2 дугаар зүйл.Хүн хулгайлах

1.Хохирогчид хүч хэрэглэж, хүч хэрэглэхээр заналхийлж, хууран мэхэлж, эсхүл сэтгэцийн өвчтэй, согтуурсан, мансуурсан, сэтгэцийн үйл ажиллагаа нь түр сарнисан, бусад өвчний улмаас биеэ хамгаалах, эсэргүүцэл үзүүлэх чадваргүй байдлыг ашиглаж эрхшээлдээ оруулан авч явсан бол нэг жилээс таван жил хүртэл хугацаагаар хорих ял шийтгэнэ.

12.1 дүгээр зүйл.Хүчиндэх

4.Энэ гэмт хэргийг бага насны хүүхдийн эсрэг үйлдсэн; энэ гэмт хэргийн улмаас хохирогч нас барсан бол арван хоёр жилээс хорин таван жил хүртэл хугацаагаар, эсхүл бүх насаар хорих ял шийтгэнэ.

10.1 дүгээр зүйл.Хүнийг алах

2.1.онц харгис хэрцгийгээр;

2.4.өөр гэмт хэргийг нуун далдлах, хялбарчлах зорилгоор;

2.7.хохирогчийн биеэ хамгаалж чадахгүй, жирэмсэн болохыг мэдсээр байж алсан бол арван хоёр жилээс хорин жил хүртэл хугацаагаар, эсхүл бүх насаар нь хорих ял шийтгэнэ.

Бусад мэдээ

“Евроазийн хөдөө аж ахуйн хөгжилд шинжлэх ухааны гүйцэтгэх үүрэг” сэдэвт хурал болж байна

“Евроазийн хөдөө аж ахуйн хөгжилд шинжлэх ухааны гүйцэтгэх үүрэг” сэдэвт хурал болж байна

Монгол Улсын ХАА-н шинжлэх ухааны академи, Хөдөө аж ахуйн их сургууль, ОХУ-ын Шинжлэх ухааны академи

Шөнө ганцаараа явж байгаа иргэнийг дээрэмддэг 17-23 насны этгээдүүдийг баривчилжээ

Шөнө ганцаараа явж байгаа иргэнийг дээрэмддэг 17-23 насны этгээдүүдийг баривчилжээ

Дээрх этгээдүүд нь урьдчилсан байдлаар дөрвөн удаагийн дээрэмдэх гэмт хэрэг үйлдсэн болох нь тогтоогдсон. Зарим нь удаа дараа ял шийтгэгдэж байсныг мэдээллээ.

Сэтгүүлч Ж.Хэрлэн
Сэтгүүлч Ж.Хэрлэн