Ховд аймгийн Мянгад сумын Баянбулаг багийн нутаг Өндөр хөхийн-Уулын ар бэл гэх газарт долоодугаар сарын 30-ны өдрийн 09:00 цагийн орчим гурван хүн малаа хариулж яваад аянгад цохиулж хоёр хүүхэд нас барж, нэг том хүн эмнэлэгт хүргэгджээ. Энэ тухай мэдээллийг Онцгой байдлын газар наймидугаар сарын 5-ны 09:35 цагт хүлээн авсан байна. Мэдээллийн дагуу Мянгад сумын Эрүүл мэндийн төвийн эмч долоодугаар сарын 30-ны өдрийн 11:30 цагт очиход 17 настай  эрэгтэй Ц, Г нар аянгад цохиулж нас барсан байсан.