“Сүхбаатар дүүргийн 1-р хорооны нутаг дэвсгэрт нэгэн иргэн “Ланд круйзер” маркийн тээврийн хэрэгсэлд хуурамч улсын дугаарыг зүүж хөдөлгөөнд оролцож байна” гэх мэдээллийг цагдаагийн байгууллагаас шалгажээ.

Тус тээврийн хэрэгсэл нь хуулийн этгээдийн өмчлөлд бүртгэлтэй байх бөгөөд улсын бүртгэлд нэр шилжүүлээгүй байхдаа улсын дугаарыг тухайн тээврийн хэрэгсэлд шилжүүлж зүүлгэсэн нөхцөл байдал тогтоогдсон байна.

Иймд Зөрчлийн тухай хуулийн 14.7 дугаар зүйлийн 13 дахь хэсэгт зааснаар хуулийн этгээдэд 500 нэгжтэй тэнцэх төгрөгөөр торгуулийн шийтгэл оногдуулав.

Эх сурвалж: Тээврийн цагдаагийн алба