Жил бүрийн 12 дугаар сарын 3-ны өдрийг “Хөгжлийн бэрхшээлтэй иргэдийн эрхийг хамгаалах өдөр” болгон тэмдэглэдэг уламжлалтай. Эл өдрийг Нэгдсэн Үндэстний Байгууллага 1981 оноос эхлэн тэмдэглэж ирсэн.

Энэхүү өдрийн гол зорилго тэгш оролцоог хангах бөгөөд хөгжлийн бэрхшээлтэй иргэдийг нийгмийн амьдралд тэгш эрхтэйгээр оролцуулахад оршдог.

Өнөөдрийн байдлаар Монгол Улсад 115,000 гаруй хөгжлийн бэрхшээлтэй иргэн байгаагаас, 14,700 нь хөгжлийн бэрхшээлтэй хүүхэд байна.

2025 онд Хөгжлийн бэрхшээлтэй иргэдийн эрхийг хамгаалах өдрийг “Хөгжлийн бэрхшээлтэй хүмүүсийн тэгш оролцоог хангасан нийгмийг цогцлоох замаар нийгмийн дэвшлийг ахиулах нь” уриан дор тэмдэглэж байна.