Дундаж орлоготой иргэдэд орон сууцны хүртээмжийг нэмэгдүүлэх, ипотекийн зээлийн  урьдчилгаа төлбөрийг бууруулахад Ариг банк “Үндэсний давхар даатгал” ХК, “Амар даатгал” ХХК-тай хамтран ажиллах санамж бичиг байгууллаа.

Энэ хүрээнд талууд орон сууцны зээлийн урьдчилгаа төлбөрийн даатгалын бүтээгдэхүүнийг Монголд анх удаа зах зээлд нэвтрүүлэх, сурталчлах, идэвхжүүлэх ажлыг хамтран хийх бөгөөд ингэснээр харилцагч худалдан авах байрны төлбөрөө 100% банкнаас зээлэх боломж бүрдэх юм.  

Мөн зээлдүүлэгчийн зээлийн эрсдэлийг хамгаалах, чанартай зээлийн багцыг бий болгох, даатгалын бүтээгдэхүүн үйлчилгээний хамтын ажиллагааг өргөжүүлэхээр хамтран ажиллана.