fitness
  • 125 үзэлт
  • 0 сэтгэгдэл
  • 2024-02-21

Дэлхийд алдартай Олон улсын “Нарны цирк”-ийн /Cirque du Soleil/ жүжигчин, Монгол Улсын уран нугараач С.Оюун-Эрдэнэ 30 секундийн хугацаанд уран нугаралтын суниалтыг тусгай шалгуурын дагуу хамгийн олон удаа буюу 28 удаа гүйцэтгэснээс 24-ийг тооцсоноор Гиннесийн дээд амжилтыг шинэчлэн тогтоолоо.

Өмнөх дээд амжилт нь 21 удаа суниасан байдаг аж.



Жүжигчин С.Оюун-Эрдэнэ 6 настайгаасаа уран нугаралтаар хичээллэж олон улсын “Нарны цирк”-т 20 гаруй жил ажиллаж байгаа бөгөөд түүнтэй хамт тус циркийн акробатчин Люси (Lucie) гар дээрээ хойшоо хамгийн олон үсэрсэн (back handsprings) үзүүлбэрийг гүйцэтгэж Гиннесийн дээд амжилтыг шинэчилсэн байна.

Гиннесийн дээд амжилтын шүүгч Меган Брюс хэлэхдээ: "Би “Нарны цирк”-ийн /Cirque du Soleil/ жүжигчид сайн гэдгийг мэдэж байсан, гэхдээ эдгээр амжилтыг биечлэн болон ойроос харах нь огт өөр зүйл байсан. Оюун-Эрдэнийн үзүүлсэн уян хатан байдал, дээд биеийн хүч нь намайг гайхшируулсан. Бие бялдрын хувьд маш их ачаалалтай дээд амжилтыг эвдсэн жүжигчиндээ баяр хүргэе" гэжээ.



Уран нугараач С.Оюун-Эрдэнэ “Нарны цирк”-ийн дөрвөн шоунд оролцож байсан бөгөөд Лондон хотын алдарт Рояль Алберт Холл театрт 2024 оны нэгдүгээр сарын 11-ээс гуравдугаар сарын 3-ны өдрүүдэд шинэчилсэн тайзны найруулгатайгаар үзэгчдэд хүрч буй тус циркийн “Alegría – In A New Light” шоунд  оролцож байгаа юм.

Авьяас, ур чадвараараа олон улсад танигдаж, Монгол Улсынхаа нэрийг өндөр өргөн Гиннесийн дэлхийн дээд амжилтыг шинэчлэн тогтоосон Уран нугараач С.Оюун-Эрдэнэдээ дахин баяр хүргэж  цаашдын уран бүтээлд нь амжилт хүсье.

Эх сурвалж: Их Британи дахь Монгол Улсын ЭСЯ


Бусад мэдээ

Мал, амьтны гаралтай түүхий эд, бүтээгдэхүүний экспортыг цахимжуулах асуудлаар хэлэлцэв

Мал, амьтны гаралтай түүхий эд, бүтээгдэхүүний экспортыг цахимжуулах асуудлаар хэлэлцэв

Авлигатай тэмцэх газрын Урьдчилан сэргийлэх, соён гэгээрүүлэх хэлтэс нь 2022 оны 10 дугаар сарын 31-

Хаврын мод тарих өдрүүд тавдугаар сарын 19-нийг хүртэл үргэлжилнэ

Хаврын мод тарих өдрүүд тавдугаар сарын 19-нийг хүртэл үргэлжилнэ

"Ногоон хот-иргэний оролцоо" хаврын мод тарих аян өнөөдрөөс эхэлж, тавдугаар сарын 19-нийг хүртэл үр

Чинбаяр Ч.
Чинбаяр Ч.