fitness
  • 174 үзэлт
  • 0 сэтгэгдэл
  • 2024-02-22

Энэ жил 75 жилийн ойгоо тэмдэглэх “Улаанбаатар төмөр зам” ХНН нь Монгол Улсын хамгийн том ажил олгогч байгууллагын нэг юм. Тус нийгэмлэг нь 16 мянган ажилтныхаа нийгмийн асуудалд онцгой анхаардаг бөгөөд эрүүл мэнд, боловсрол, орон сууц, спорт соёл урлаг зэрэг нийгмийн салбарын аж ахуйн нэгжүүд байдаг.

Эдгээр байгууллагуудын нэг болох төмөр замчдын хүүхдүүдийн сургуулийн өмнөх боловсролын асуудал хариуцсан УБТЗ-ын Хүүхдийн секторын харьяанд 27 цэцэрлэг багтдаг бөгөөд эдгээр цэцэрлэгт төмөр замчдын 4500 шахам хүүхэд сурч хүмүүжиж байгаа юм.

“Улаанбаатар төмөр зам” ХНН нь сургуулийн өмнөх боловсролын хүртээмж, чанарыг нэмэгдүүлэх зорилгоор ЗТХЯ-ны Авто тээврийн Үндэсний төв байрлаж байсан байранд засвар хийж УБТЗ-ын “Ган зам” цэцэрлэгийн салбар 50 хүүхдийн цэцэрлэгийг нээлээ. Тус цэцэрлэгт ЗТХЯ-ны ажилтнуудын 28 хүүхэд, УБТЗ-ын Зүтгүүрийн депогийн 22 хүүхэд хүмүүжиж байна. Тус цэцэрлэгийн засварын ажлыг УБТЗ-ын Барилга, засвар ашиглалт, үйлчилгээний анги хийжээ.

зураг

зураг
 

Тус цэцэрлэгийн засвар тохижилтын ажилтай ЗТХ-ийн дэд сайд Л.Халтар, Төрийн нарийн бичгийн дарга С.Батболд, УБТЗ-ын Нийгмийн асуудал хариуцсан Замын орлогч дарга А.Батболд нар танилцлаа.

Хүүхдүүдийн сурч хөгжих орчныг сургуулийн өмнөх боловсролын МNS 6558 стандартад нийцүүлэн хүүхдэд ээлтэй сургалтын орчныг бүрдүүлж ажиллаж байгаагаа УБТЗ-ын Хүүхдийн секторын удирдлага танилцуулав.

Бусад мэдээ

СЗХ: Хадгаламж, зээлийн хоршоодын тоо 2019 оноос хойш тасралтгүй буурсаар байна

СЗХ: Хадгаламж, зээлийн хоршоодын тоо 2019 оноос хойш тасралтгүй буурсаар байна

Хадгаламж зээлийн хоршоодын тоо 2019 оноос хойш тасралтгүй буурсныг Санхүүгийн зохицуулах хорооны та

Монгол-Эстонийн парламентын бүлгийн дарга Х.Ганхуяг Элчин сайд Ханнес Хансог хүлээн авч уулзав

Монгол-Эстонийн парламентын бүлгийн дарга Х.Ганхуяг Элчин сайд Ханнес Хансог хүлээн авч уулзав

Улсын Их Хурлын гишүүн, Монгол-Эстонийн парламентын бүлгийн дарга Х.Ганхуяг Бүгд Найрамдах Эстони Ул

Чинбаяр Ч.
Чинбаяр Ч.