fitness
  • 144 үзэлт
  • 0 сэтгэгдэл
  • 2024-05-02

Хөдөлмөр, нийгмийн хамгааллын яам, Хөдөлмөр, халамжийн үйлчилгээний ерөнхий газраас “Хөдөлмөр, эрхлэлт 2024” өдөрлөг арга хэмжээг Мишээл Экспо төвд өчигдөр зохион байгууллаа.

Арга хэмжээг Хөдөлмөр, нийгмийн хамгааллын дэд сайд С.Зулпхар нээж хэлсэн үгэндээ, Улсын хэмжээнд хөдөлмөрийн зах зээлийн үндсэн үзүүлэлтүүд ковидоос хойш буюу 2021-2023 онд эерэг үр дүнтэй гарсан.

Тухайлбал, 2023 оны 4 дүгээр улирлын байдлаар ажилгүйдлийн түвшин 3.9 хувь болж, 2022 оны мөн үеэс 1.4 пунктээр буурсан бол ажилгүй хүний тоо 48.0 мянга болж өмнөх оны мөн үеэс 15.8 мянган хүнээр буурсан үзүүлэлттэй байна.

Гэсэн ч хөдөлмөр эрхлэлтийг нэмэгдүүлэх, ялангуяа залуучууд, эмэгтэйчүүд, ахмад настны хөдөлмөр эрхлэлтэд онцгойлон анхаарах шаардлага байсаар байгааг дурдав.  

Орчин цагийн хөдөлмөрийн харилцааны чиг хандлагад нийцүүлэн оюутан залуучууд, иргэдийн хөдөлмөр эрхлэх сонирхол, сэдлийг төрүүлэх, тэдний бүтээлч санаа, инновацыг сурталчлах арга хэмжээтэй өдөрлөгт оролцогчид өртөөчилсөн байдлаар танилцах боломж бүрдүүлснээрээ тус арга хэмжээ онцлог боллоо.

Тухайлбал, Хувиараа хөдөлмөр эрхлэгчдийн үзэсгэлэн худалдаа, Залуучуудын старт ап, дижитал төслийн үзэсгэлэн, Ур чадварыг үнэлэх үйлчилгээ, мэдээлэл зөвлөгөө, Залуучууд-Зохистой хөдөлмөрийн мэдлэг, мэдээлэл, Хөдөлмөр эрхлэлтийг дэмжих зөвлөгөө, мэдээлэл, гадаад хөдөлмөр эрхлэлтийг дэмжих зөвлөгөө мэдээлэл, ажил олгогчдын нээлттэй ажлын байр, нийгмийн халамжийн зөвлөгөө мэдээлэл гэсэн өртөөнүүд ажилласан юм.

Бусад мэдээ

Бусдын эд хөрөнгийг хүч хэрэглэж авсан бол хоёроос найман жил хүртэл хорих ялаар шийтгэнэ

Бусдын эд хөрөнгийг хүч хэрэглэж авсан бол хоёроос найман жил хүртэл хорих ялаар шийтгэнэ

Гадаа явж байсан хүнийг араас нь цохиж эд зүйлийг дээрэмдсэн хэрэг гарчээ.Цагдаагийн байгууллагаас м

Хүний нөөцийг хөгжүүлэх JDS тэтгэлэгт хөтөлбөрийн 2023 оны бүртгэл эхэллээ

Хүний нөөцийг хөгжүүлэх JDS тэтгэлэгт хөтөлбөрийн 2023 оны бүртгэл эхэллээ

“Хүний нөөцийг хөгжүүлэх JDS тэтгэлэгт хөтөлбөр” -ийн 2023 оны бүртгэл эхэллээ. Энэ жилийн хувьд маг

Сэтгүүлч Ж.Хэрлэн
Сэтгүүлч Ж.Хэрлэн