Хоёр эмэгтэйг онц хэрцгийгээр хөнөөсөн хэрэгт холбогдогч нарын шүүхийн урьдчилсан хэлэлцүүлэг өнөөдөр (2025.09.17) Баянгол, Хан-Уул, Сонгинохайрхан дүүргийн Эрүүгийн хэргийн анхан шатны тойргийн шүүхэд болно. 

Мөн тус шүүхэд “Gem mall” худалдааны төвд гэр бүлийн хүнээ онц хэрцгийгээр хөнөөсөн Н.Э-д холбогдох хэргийн гэм буруугийн шүүх хурал болно.

Бусдыг онц харгис, хэрцгийгээр хөнөөсөн тухайн этгээдүүдийг цагдан хорих 461 дүгээр хаалттай хорих ангиас шүүх хурал болох Баянгол, Хан-Уул, Сонгинохайрхан дүүргийн Эрүүгийн хэргийн анхан шатны тойргийн шүүх рүү цагдаагийн албан хаагчид хуяглан хүргэжээ.

Шүүх хурлууд 09:00 цагт эхлэх товтой байна.