Засгийн газар агаарын орон зайдаа онцгой анхаарч, агаарын дэд бүтцээ либералчлах бодлого барина хэмээн Тэргүүн Шадар сайд бөгөөд Эдийн засаг, хөгжлийн сайд Ж.Энхбаяр мэдээлэв. 

Энэ бодлогын хүрээнд, Жилд 800 мянган зорчигч хүлээн авахаар төлөвлөсөн найман гарцтай “Чингис хаан” нисэх буудал өнөөдөр 2.4 сая зорчигч аваад байна.

Засгийн газраас шийдвэр гарч, Япон улстай нисэх буудлын дараагийн төслөө хэрэгжүүлэх, 11 гарцтай шинэ нисэх буудлын өргөтгөлийг барих гэрээ хэлцэл хийж байна.

Аялал жуулчлал манай эдийн засгийн сонирхолтой салбар болж орж ирж байна. Монгол дэлхийн хамгийн амар амгалан орны нэг болж байна. Тиймээс агаарын тээврийн салбарыг хүчин чадлыг нэмэгдүүлэх бодлого барин ажиллахаа сайд Ж.Энхбаяр мэдэгдсэн юм.