2026 оны тавдугаар сарын 23-нд буюу бямба гарагт "Улаанбаатар марафон" олон улсын гүйлт болно. Энэ өдөр автомашингүй өдөр тохиож байгаа тул нийслэлд тодорхой бүсчлэлд 06:00-18:00 цагийн хооронд зам хаах юм.

Үүнтэй холбоотойгоор нийтийн тээврийн 55 чиглэлийн 506 тээврийн хэрэгслийн маршрут өөрчлөгдөх бөгөөд авто замын хөдөлгөөн 18:00 цагт нээгдсэнээр нийтийн тээврийн хэрэгслүүд үндсэн маршрутаараа явна.

Энэ үеэр нийтийн тээврийн таван чиглэл бүрэн зогсох аж.

Тодруулбал:

• Ч:63
• Ч:71
• Ч:71А
• Ч:84
• Ч:78 үйлчилгээнд явахгүй.

Хаагдаж байгаа гудамж, замтай холбоотойгоор бусад тээврийн хэрэгсэл явах замуудын ачаалал нэмэгдэх тул иргэд та бүхэн цаг хугацаагаа төлөвлөж зорчихыг НТБГ-аас зөвлөлөө.