Өнөөдрийн байдлаар Хараа /Дархан хот/, Халх /Ялалт баг/, Хархираа /Тариалан сум/ зэрэг голууд үерийн түвшинг 5-15 см, Туул / Лүн сум / гол үерийн аюултай түвшинг 10 см давсан байдалтай, элбэг устай хэвээр байна.

Эдгээр голууд, гол мөрний сав дагуу аялж, амарч, зугаалж яваа иргэдийг голын эрэг хөвөө дагуу бууж суурьшихгүй байх, бага насны хүүхдэд тавих анхаарал халамжаа сайжруулах, голын ус руу орохгүй байхыг анхааруулж байна.

Наадмын өдрүүдэд нийслэлийн гурван дүүрэг, зургаан аймгийн 12 суманд усны ослын 23 тохиолдлоор 13 хүн (том хүн 11, хүүхэд 2) амь насаа алдсан. Сэлэнгэ аймгийн Сайхан сум, нийслэлийн Хан-Уул дүүргийн нутаг дэвсгэрт усанд осолдсон гурван иргэний эрлийн ажиллагааг ОБЕГ үргэлжлүүлж байна.